Pas përfundimit të fushatës zgjedhore në Turqi, pritet të ketë një takim dy palësh në nivelin e dy qeverive, si dhe një mbledhje e përbashkët të dy qeverive, të Republikës së Turqisë, dhe Republikës së Shqipëri, ku do të nënshkruhet dokumenti i partneritetit strategjik. Kjo u konfirmua nga kryeministri i Shqipërisë, Edi Rama, gjatë një deklaratë të përbashkët për mediat me presidentin e Turqisë, Recep Tayyip Erdogan.
Pas takimit në kryeministri, Erdoğan dhe Rama, në deklaratën për mediat kanë folur për partneritetit strategjik, mundësitë e rritjes së shkëmbimeve tregtare, etj. Kujtojmë se më herët midis dy ministrave të Brendshëm të dy vendeve, u nënshkrua edhe marrëveshja e bashkëpunimit.
“Marrëdhënia strategjike që Shqipëria ka me Turqinë, do të njohë një nxitje të mëtejshme, në disa fusha. Në radhë të parë u theksua një domosdoshmëri e rritjes së shkëmbimeve tregtare dhe me radhë pastaj në çështje që kanë të bëjnë me sigurinë, zhvillimin rural, shëndetësinë dhe me kulturën. Ne presim me kënaqësi që pas përfundimit të fushatës zgjedhore në Turqi të kemi një takim dy palësh në nivelin e dy qeverive, një mbledhje të përbashkët të dy qeverive, ku të nënshkruajmë edhe dokumentin e partneritetit strategjik”-u shpreh Rama në fjalën e tij. .
Presidenti i Turqisë, Recep Tayyip Erdogan shprehu kënaqësinë dhe falënderimet për mikpritjen, duke theksuar se që kur kemi shkelur në tokën shqiptare ndihemi si në tokën tonë. “Mund t’iu them se ndërmjet dy shteteve ka për të pasur një hov në marrëdhëniet dy palëshe. Ne do të firmosnim një marrëveshje strategjike me kryeministrin Rama, por nuk arritëm ta bënim pas ndodhjes së tragjedisë në minierë. Unë shpresoj që dy kryeministrat e vendeve në një kohë shumë të shkurtër ta përmbyllin sa më shpejt. Do të hedhim edhe themelin e xhamisë s ë Naqmazgjasë”- u shpreh Erdogan.
