Kryeministri Rama ka pritur ngazëllueshëm njeriun që e ka “dhuratë” si mik prej mikut të tij Erdogan, presidentin azer Ilham Aliyev. Dhe jo më kot. Sot, ky udhëheqës që sapo ka fituar një luftë, atë me armenët, është gati përcaktues në tregun e gazit.
Dhe në Shqipëri ka një projekt konkret, që siç njofton kreu i qeverisë shqiptare, do jetë një kthesë në tregun e naftës për Shqipërinë.
“Me Presidentin e Azerbajxhanit, mikun e dashur Ilham Aliyev, patëm sot një bashkëbisedim si gjithmonë shumë miqësor, por edhe vërtetë të dobishëm për projekte të përbashkëta në fushën e energjisë, që nga nisja e programit të gazifikimit me investim të Azerbajxhanit, i cili do të nisë me një bashki që do të përcaktohet në një nga pikëkontaktet me TAP-in deri tek vendosja e piketave konkrete, për ndërtimin e një rafinerie ultramoderne, e cila do t’i japë fund edhe varësisë së vendit tonë nga nafta e importit”, shkruan Rama në mënyrë informuese. /tesheshi.com/
