Në Nju Jork, kreu i qeverisë Rama u takua me dy njerëzit më influentë të administratës amerikane në Ballkan, Ndihmës/Sekretarin e Shtetit, Philip Reeker, dhe të Dërguarin Special të SHBA për Ballkanin Perëndimor, Matthew Palmer.
Kryeministri nuk dha hollësi të shumta për takimin me dyshen e fuqishme amerikane për rajonin, por shprehu ngazëllimin e tij politik për këtë takim me anë të një statusi.
“Me Ndihmës Sekretarin e Shtetit, Philip Reeker, dhe të Dërguarin Special të SHBA për Ballkanin Perëndimor, Matheë Palmer; dy miq të kahershëm të Shqipërisë e të shqiptarëve, njohës të sprovuar të çështjeve ballkanike dhe mbështetës të palëkundur të reformave demokratizuese në Shqipëri, e të rrugëtimit të vendit tonë drejt anëtarësimit nē Bashkimin Europian”, shkroi Rama.
Kujtojmë se një ditë më parë, Rama realizoi një foto-takim me presidentin Trump, duke u shprehur se kish marrë prej tij konsideratën e një “Shqipërie që po ecën mirë”. /tesheshi.com/
