Kur na ndajnë vetëm pak ditë nga mbajtja e zgjedhjeve parlamentare, kryeministri Edi Rama i ka bërë apel zgjedhësve për ta mbështetur me votë më 25 qershor. Këtë herë shefi i qeverisë, ka menduar një mënyrë të veçantë dhe ndryshe nga herët e tjera. I zhveshur nga kostumi i kryeministrit, dhe me rrobat sportive me të cilat është shfaqur gjatë gjithë fushatës, Rama i është dretuar jo vetëm sipmatizantëve të tij, por edhe demokratëve.
E për këtë ka zgjedhur një videomesazh të bërë nga telefoni i tij personal, teksa udhëtonte nga Kruja drejt Durrësit. Kreu i qeverisë thotë se të dielën shqiptarët duhet të ndajnë interesin për të ndërtuar shtet, apo të vazhdohet me sistemin e vjetër të tepsisë.
Edi Rama, thotë se me reformat e mandatit të parë janë hedhur themelet, mbi të cilat do ndërtohet shteti.
Në apelin e tij, kryeministri Rama thotë se më 25 qershor çdo qytetar do të jetë anëtar i gjykatës së madhe të popullit sovran, që do të vendosë se kujt do t’i besojnë drejtimin e vendit. /tesheshi.com/
