Sapo ka nisur debati i i ndezur mes Edi Ramës dhe Ben Blushit në Kuvend.
Kryeministri Edi Rama i është përgjigjur deputetit Ben Blushi për inteprelancën urgjente dhe tha se kërkesa urgjente nuk ka asnjë kuptim.
Fjala e Ramës:
“Kam marrrë një kërkesë për interpelancë urgjente nga zoti Nardi, zoti Vangjel dhe zotërinj të tjerë dhe zoti Beni. Por urgjenca s’ka asnjë lidhje me cështjen. E them këtë se kërkesa me shkrim ka një premisë logjikisht të gabuar, nuk po e them të gënjështër, që tregon se zotërinjtë në rastin më të mirë nuk kanë njohuri për procesin e integrimit, siç doli në parashttrimin e zotit Beni.
Askush nuk priste datë për negociatat pasi këtë e kishte kërkuar edhe Komisioni Europian që është kushti i vettingut.
Këtë kusht e kanë thënë shkoqur të gjithë, edhe Komisioneri Han, presidenca e BE, ambasadorja e BE, ku poërsëriti vetting, vetting, etj. Edhe dje sekretari i shtetit për çështjet Europiane të Gjermanisë tha që vetting çel negociatat.
Atëherë për çfarë është thirrur kjo interpelancë urgjente?”.
Ndërkaq, deputeti Blushi tha se shtyrja e hapjes së negociatave mund të ketë efekte dëmtuese, për reformat dhe për vendin, si dhe për klimën politike.
Ben Blushi:
“Rrezik kryesor për modernizimin e vendeve tona është korrupsioni, krimi i organizuar dhe ekonomia e dobët që nuk jep progress.
Ne duam të shkojmë si Shqiptarë në Europë, por jo të shkojmë si shqiptarë të korruptuar.
Arsyet pse integrimi është ngrirë është se ne nuk po bëjmë asgjë për të shkuar më shpejt”.
/tesheshi.com/
