Kryeministri Edi Rama ka reaguar ashpër në Kuvend ndaj të gjithë zërave, qoftë edhe të aleatëve të tij, se nuk mund të shkohet në zgjedhje pa opozitën. Rama tha se këto janë përpjekje të sponsorizuara, të blera me para në dorë apo nën dorë për të mos lejuar partinë Socialiste të hyjë në zgjedhje. Kryeministri sulmoi ashpër protestën e opozitës duke thënë se e nisi bojkotin javën kur në Kuvend shqyrtohej vetingu.
“Nuk është opozita zyrtare ajo që e prodhon lirinë por është liria ajo që prodhon opozitën. Nëse do ishim në kushtet kur kjo qeveri do të kishte kufizuar lirinë për të prodhuar opozitën atëherë me siguri nuk do kishim çdo ditë një çadër bosh që mbushet dy herë në ditë për shfaqe televizive por do kishim popullin në të gjithë rrugët e Shqipërisë. Opozita është liri, nuk është parti”, tha Rama. /tesheshi.com/
