Prezantimin e nisjes së punimeve të Rrugës së Arbrit, kryeministri Edi Rama e ka shfytëzuar për të sqaruar sërish çështjen e puseve, më saktë atë që të përflitet, vënien e një takse për puset.
Nga Dibra, ku sërish i mëshoi mesazhit për të paguar me patjetër ujin, Rama tha: “Nuk bëhet fjalë për taksë pusesh, nuk bëhet fjalë për puse familjare. Ka fabrika uji që marrin ujë masivisht dhe nuk paguajnë kokërr leku dhe sigurisht ndodh që puset janë ndërtuar për vaditje dhe nuk bëhet llaf për të vendosur taksa, sepse kjo i përket një kohe tjetër. Ne problemin e kemi me ujin e pijshëm. Puset shfrytëzojnë ujërat nëntokësor dhe shfrytëzimi i tyre është pasuri e përbashkët. Shko shpo një herë në Itali apo Gjermani dhe a del ujë përpara. Ky është një keqkuptim për ata që duan të bëjnë diversion midis meje dhe publikun. Ne nuk mund të lejojmë shpërdorimin e ujit të pijshëm. Uji konsiderohet si nafta e shekullit 21. Ne me 1 për qind të burimeve natyrore mund të plotësojmë të gjitha nevojat”.
Rama theksoi se që nga 1 shkurti, askujt mos të i shkojë në mendje ta vjedh ujin sepse, siç tha, do përballet me ligjin. /tesheshi.com/
