Kryeministri Rama është shfaqur i habitur me mediat britanike, ku sërish ëshët shkruar, edhe në prestigjozen Time, se qeveria e Londrës është në negociata për një kamp refugjatësh në Shqipëri.
“Shqipëria nuk do të jetë kurrë një vend ku vende shumë të pasura do të krijojnë kampe për refugjatët e tyre. Asnjëherë!”, është shprehur Rama pas një takimi partiak në PS
Më herët, ministrja e Jashtme Olta Xhaçka, thotë se lajmi i publikuar nga mediat britanike se qeveria e Mbretëisë së Bashkuar është në komunikim me qeverinë shqiptare për të ngritur një kamp refugjatësh, është i rremë.
“I njëjti lajm i rremë, i vjetër, këtë herë në faqen e parë të një gazete të respektuar si The Times! Dhe meqë ra fjala unë nuk jam një ‘ai’ por një ‘ajo; që gjithmonë e ka admiruar cilësinë e mediave britanike. E trishtë!’, shkruan Xhaçka. /tesheshi.com/
