“Saimir Tahirin as nuk e kam takuar e as nuk më ka marrë malli ta takoj” – ka qenë kjo fraza pikante e kryeministrit Rama në Studio e Hapur, teksa është pyetur mbi një takim të mundshëm të tij me ish-vartësin nën hetim – referuar qytetarit digital të Berishës – në ambientet e Spitalit Amerikan rrugës për në Kombinatit.
Fraza, siç mund të vërehet, ka patur brenda edhe sqarimin e aludimeve, por edhe pak mesazh politik.
Rama tha se po të donte ta takonte Tahirin, nuk kishte pse ta bënte këtë në spital; mund ta kishte takuar në zyrë apokafe, meqë siç theksoi, ai nuk është nën kërkim por nën hetim.
Rama foli ashpër, drejtuar dhe medias, kundër lajmeve të dala nga qytetari digital i Berishës, duke thënë se ai publikon dhe talljet që i dërgohen.
Sa për prezencën e tij tek Amerikan 3, Rama tha se ishte aty për një problem shëndetësor me mesin, trashëguar që nga koha kur luante basketboll. /tesheshi.com/
