Kryeministri Rama paralajmëroi se Kodi Zgjedhor i kthyer nga presidenti Meta, do rivotohet pa asnjë diskutim.
“Do të votojmë sa më shpejt kur të caktohet seanca e takimit. Pa asnjë ndryshim, pikë dhe presje. Do e votojmë kodin siç u votua nga parlamenti. Askush nuk mund të vendosë në diskutim vendimin e parlamentit, as Ilir Meta”, tha i pari i qeverisë.
Kujtojmë se Kodi i kthyer nga Meta, është ai që bën një hapje të listave, si dhe ndryshon formulën e koalicioneve.
Meta pretendon se Kodi ka njëanshmëri në vendimmarrje, se ai shkel marrëveshjen e 5 qershorit, e se është votuar nga një parlament ilegjitim. /tesheshi.com/
