Zëra opozitarë e kanë shpallur shefin e qeverisë si “qafir”, e kjo për shkak se mazhoranca kërkoi shtyrjen me një ditë të tryezës së Reformës Zgjedhore, nga e hëna të të martë, pasi siç tha, e hëna është Bajram (dyta e dytë e festës), e kësisoj edhe pushim.
“Duke qenë se dita e hënë i bie festë Bajrami e për rrjedhojë ditë pushimi, OSBE ka mundësuar rezervimin e sallës për takimin e grupit të punës për reformën zgjedhore, ne date 26 Maj 2020, ora 11:00 tek Pallati Kongreseve. Pra, mbledhja zhvillohet ne 26 Maj, ora 11:00 tek Pallati Kongreseve” deklaroi PS-ja, teksa më parë kishte propozuar edhe 2 data të tjera, në 21 ose 22 maj, që u refuzuan nga opozita dhe data e tretë ishte 26 maji.
Kaq është dashur për një shpërthim alla berishist në kampin blu, nga n/kryetari Paloka, i cili shpalli Ramën si “qafir”.
Ky qafir që në një ditë të shenjtë për myslimanët, siç është festa e Fiter Bajramit, kërkon të tallet duke marrë rolin e Padishahut që ka në dorë t’i lejojë ose jo lutjen tradicionale, qenka kujtuar se e hëna është pushim dhe përfaqsuesit e tij nuk mund të privohen nga kjo ‘e drejtë’, shkruan Paloka nën mllef tipik politik. /tesheshi.com/
