Edi Rama, pas marrjes së votave për të qeverisur vetëm, ka ndërmarrë një fushatë të dytë nëpër Shqipëri për të mbledhur kërkesat e qytetarëve, me të cilat do të hartojë programin e qeverisë por edhe për të mbledhur opinione mbi atë që ai e quajti “Tepsi”…dhe e cila duhet “çuar për skrap”
Në një postim në Facebook, Rama thekson se të hënën do të takohet me deputetët e rinj dhe kandidatët për deputetë për të nisur më pas turin e dëgjesave gjatë gjithë muajit korrik.
“Për këtë qëllim do të përdoret edhe mbledhja e informacionit online nga njerëzit e zakonshëm, lidhur me zyrat e shërbimeve për publikun dhe punonjësit e drejtuesit e tyre.
Në këtë fazë ky informacion do të mblidhet përmes një faqeje të posaçme dhe atyre të udhëheqësve tanë në çdo qark.
Ndërsa më pas, kur Platforma e Bashkëqeverisjes me njerëzit, “Shqipëria që Duam”, të jetë gati bashkë me qeverinë e re, një seksion i veçantë i saj do t’i shërbejë posaçërisht çdo qytetari”, shkruan Rama.
Pas këtij turi 30-ditor, shpjegon Rama: “të gjitha të dhënat e mbledhura për institucionet dhe zyrat e shtetit do të analizohen imtësisht qark për qark.
Mbi bazën e tyre do të përgatitet një raport ku do pasqyrohet cilësia e punës, niveli i shërbimit dhe reputacionit publik të çdo dege të administratës shtetërore e të çdo drejtuesi përkatës.
Ky raport do të jetë në tryezën e qeverisë së re që në ditën e parë të punës, si një nga dokumentat bazë që do t’i shërbejnëoperacionit të çuarjes së tepsisë për skrap”, përfundon kryeministri, i cili ka ku mundur ta heqë qafe LSI-në për të qeverisur i vetëm. /tesheshi.com/
