Edi Rama e ka ripotencuar çështjen çame duke trajtuar raportet më të fundit me Greqinë. I ftuar në Top Story, Rama tha se dëshironte një marrëdhënie të mirë me fqinjin jugor, se madje i ishte mirënjohës popullit grek për atë që u hapi dyert mijra emigrantëve shqiptarë pas rënies së komunizmit – duke shtuar se dhe dikur shqiptarët bën të njëjtën gjë me grekët e mbetur pa bukë – porse sipas tij ca gjëra të vërteta dhe të thjeshta nuk ka pse mos thuhen.
Sipas tij çështja është çame është një çështje e shqiptarëve dhe që ai si kryeministër obligohet të interesohet. Rama tha se është e papranueshme për një vend të BE-së, siç është Greqia pra, që t’u ndalojë disa shtetasve shqiptarë hyrjen në territorin e saj vetëm pse janë të lindur në tokën e tyre që ëshët Çamëria. Rama përmendi dhe rastin e gazetarit të Top Channel-it, Marin Mema, i cili prej katër vitesh është shpallur person non-grata vetëm pse realizoi një reportazh në Çamëri.
Ndërsa sa i përket çështjes së paktit detar me Greqinë që PS e çoi në Kushtetuese gjatë kohës që ishte në opozitë, e i cili u rrëzua, kryeministri mohoi që ai akt ishte ndërrmarë nga ndikimi i një pale të tretë, siç Berisha ka aluduar së fundi për Turqinë dhe personalisht Erdoganin. /tesheshi.com/
