Maksim Kona është i pari kandidat zyrtar i regjistruar për zgjedhjet e parakohshme në Kavajë. Arkitekt me studime të kryera në Itali, Kona njihet si mik i afërt i kryeministrit Rama, por që ka vendosur ta sfidojë këdo që do jetë kandidat i PS-së duke rivalizuar si i pavarur.
Vendimi prej tij për t’u regjistruar si i tillë ka ardhur pas pritjes për t’u kandiduar nga Rama dhe shenjave të dukshme që kjo nuk do të ndodhë.
Nga ana tjetër, siç njofton këshilltari bashkiak i Kavajës, Sulejman Rustemi me anë të një statusi në FB, PS-ja e atyshme po përçahet pasi FRESH-i lokal ka dhënë sinjale se do nxjerrë një kandidat të vetin.
Zyrtarisht, PS ende nuk e ka shpallur kandidatin për Kavajën, për atë që do pasojë Elvis Roshin, pasi këtij të fundit iu hoq mandati nga KQZ referuar ligjit të dekriminalizimit. /tesheshi.com/
