Kryeministri Rama foli dhe njëherë për naftën, duke thënë se Shqipëria e ka të pamundur të përpunojë naftë dhe se është në plan ndërtimi i një Rafinerie të re.
Gjatë një takimi me dhomat e bizneseve, ai zbuloi planin e qeverisë kur tha se “zgjidhja që kërkojmë është
ndërtimi i një rafinerie të re, problemi është ku ta gjesh naftën që do përpunosh. Kjo pastaj është gjeopolitikë. Jemi në proces, nëse arrijmë kontratat e duhura do kalojmë në nivel tjetër ku mund të flasim për çmim me konkurrencë”.
Ai gjithashtu përmendi dhe zbulimin e naftës në Shpirag nga SHELL.
“Është cilësia më e lartë në botë, super e lehtë. Problemi është te komercializmi i saj se është shumë thellë. SHELL po teston nëse ka sasinë e mjaftueshme për të justifikuar investimin. Bëhet fjalë për të ardhura që ndryshojnë fuqinë ekonomike të Shqipërisë. Por kjo është një ëndërr e bukur për momentin se nuk mund ta themi me siguri se mund ta komercializojmë naftën shqiptare”, arsyetoi ai. /tesheshi.com/
