Kryeministri Rama ofroi dhe njëherë një “lojë fotosh” me rivalët politikë, duke përcjellë mesazhin se kush janë ata që në të vërtetë duan të kthehen në pushtet.
“Si mud t’u jepet atyre një shans tjetër? Mandati i tretë i PS-së është heqja e çdo mundësie që Ilir Meta, Sali Berisha Monika Kryemadhi të kenë një shans tjetër për të marrë zvarrë Shqipërinë për hesap të llogarive të tyre dhe pushtetit të tyre dhe të gjithë privilegjeve të tyre dhe kur vjen puna dhe Luli nuk ka si e merr një shans, pasi Luli nuk është Luli, por është Saliu, Iliri dhe Monika”, theksoi kreu i mazhorancës.
Më tej, ai theksoi se mandati i tretë është dhe mandati i Reformës në Drejtësi.
“Mandati i tretë i PS nuk është një qëllim në vetvete një inertësi në nevojën apo në dëshirën për pushtet. Mandati i tretë i PS-së nuk është për PS-në.
Mandati i tretë nuk është për karrigen e askujt përfshirë edhe timen, por është që Shqipëria të mos kthehet dot më kurrë mbrapa sepse ne i bëjmë të pakthyeshme të gjitha reformat që janë rrugës.
Mandati i tretë bën të pakthyeshme Reformën në Drejtësi dhe bën të mundur ardhjen në jetën tonë të një drejtësie të re. E kundërta bën kthim atje ku Shqipëria nuk mund nuk duhet dhe nuk do të kthehet më.
Mandati i tretë i PS-së do të thotë që prona të mos jetë më një problem në mesin tonë”, theksoi i pari i qeverisë. /tesheshi.com/
