Duke komentuar kundërshtarin e tij të drejtpërdrejt Basha, se si ky i fundit po zhvillon fushatë në shkelje të rregullave COVID, kryeministri Rama i mëshoi çështjes së karakterit te lideri.
Ajo që na takon është të bëjmë atë detyrë të thjeshtë: të mos shkelim ligjin, të mos shkelim rregullat, të mos shkelim kufirin etik të njerëzore për politikë dhe për vota, duke i vënë njerëzit në rrezik dhe duke krijuar vatra infektimi përmes grumbullimeve absurde të papërgjegjshme që tregojnë se në fund të ditës se politika nuk është çështje programesh, idesh dhe fjalësh por është çështje karakteri dhe karakterin o e ke o nuk e ke, ato nuk e kanë. Ato kanë një karakter të dobët që mishërohet në lidershipin e tyre”, theksoi Rama nga Lezhë.
Ai vijoi zbërthimin e kundërshtarëve, duke thënë se “ato japin shembullin më të keq të mundshëm, më absurd të mundshëm ndërkohë që e para gjë që duhet të bëjmë ne të japim një shembull shumë të mirë, në gjërat e thjeshta”.
“Ne e kemi humbur trenin e historisë, pasi nuk e kemi zakon që tu kushtojmë rëndësi gjërave të vogla dhe pastaj humbim kohë pa fund në dëm të gjërave të mëdha. Kombet e mëdha fitojnë beteja me gjëra të vogla, dhe kjo është një pikë dalluese shumë e madhe”, arsyetoi i pari i qeverisë. /tesheshi.com/
