Kreu i PS-së, Edi Rama, tha sot se zbatimi i reformës në drejtësi është i rrezikuar nga kreu i PD-së Lulzim Basha dhe kreu i LSI-së Petrit Vasili.
Duke iu drejtuar kundershtarit të tij demokrat Rama tha se “Reforma në drejtësi është rrezikuar çdo ditë nga ty e nga Petriti. Nëse doni të garantojmë reformën në drejtësi deri në fund duhet kokëfortësia e PS”.
Ai vijoi thumbimin ndaj LSI-së si parti e cila e ka mendjen tek “tepsia”, jo tek reformat.
“Po nuk na dhatë fuqinë që ta bëjmë qeverinë pa qenë të detyruar të bëjmë qeverinë pa kaluar tek dhoma ku ndahet tepsia, atëherë nuk bëjmë dot shtet. Mos ma kërkoni!
Pushtetin e duan për tepsinë jo për Shqipërinë. S’ka në lidhje me Shqipërinë ata. Ata e kanë problemin me tepsinë, janë parti biznes, nuk prodhojnë misra, por njerëz, prodhojnë vota…”
Kurse Bashën e ngacmoi për veshjen, duke i kthyer reston pasi kreu i PD-së po ashtu ka komentuar veshjen sportive me tuta të tij.
“Është djalë i mirë, por me ato pantallonat e dokut është pak si llogaritar kooperative”.
/tesheshi.com/
