Reforma e pronës që do të ndërmarrë qeveria, do të bëjë të mundur që prona të shkojë tek i zoti, qoftë ai shteti apo qytetari. Kryeministri Edi Rama në fjalën e mbajtur në një konferencë për pronën, në Vlorë, theksoi se do të goditen të gjitha rastet e abuzimeve dhe aktet e falsifikimit, madje edhe në rastet kur këto kanë ndodhur, autorët nuk do të mund të përfitojnë produktin e grabitjes.
“Mund të shpëtojnë nga ndëshkimi penal autorët e grabitjes, po nuk mund ta jetësojë produktin dhe nuk mund të legalizojë produktin e grabitjes. Pra, hajduti ka vjedhur, vepra është parashkruar dhe ajo që ka vjedhur i njihet atij si pronë. Për këtë arsye, marrëveshja e nënshkruar sot ka një rëndësi themelore për të finalizuar një rrugë që do të jetë pa dyshim jo e lehtë, një proces të neutralizimit të produkteve të veprës penale të grabitjes së pronës. Dhe kthimin e pronës tek i zoti shtet, apo tek i zoti, qytetar…”, tha Rama.
Faza e dytë do të jetë një operacion i thellë për të rikthyer legjitimitet në rastet e veprave penale të grabitjes së pronës. Rama premtoi t’i japë fund historisë skandaloze, si e përshkroi të zvarritjeve.
Kryeministri iu kthye paraardhësve në detyrë duke thënë se më parë ka ekzistuar një sistem që ka siguruar një lidhje të shkurtër mes grabitësve, pushtetit ekzekutiv dhe atij gjyqësor. /tesheshi.com/
