Kryeministri Rama e ka quajtur “shkelje kushtetuese” mosdekretimin e Sandër Lleshit si ministër i Brendshëm, nga ana e presidentit Meta.
“Sandër Lleshi ka certifikatën ‘Top cosmic’, më e larta e NATO-s dhe mos dekretimi është shkelje kushtetuese”, citohet të ketë thënë shefi i qeverisë në mbledhjen e grupit parlamentar.
“Nesër në parlament do të nisim të bindim presidentin”, është shprehur Rama para deputetëve.
Nga ana tjetër, Shqiptarja.com ka nxjerrë nga arkivi qëndrimin e ish-presidentit Nishani në rastin e dekretimit të Xhafajt, i cili shkon kah Ramës e kundër Metës.
Edhe Nishani nuk ishte dakort me Fatmir Xhafajn si ministër i Brendshëm, por siç është shprehur, nuk ia lejonte Kushtetuta që mos e dekretonte.
“…kandidatura e Ministrit të Brendshëm është e papërshtatshme, por Kushtetuta nuk ia jep të drejtën Presidentit të Republikës për të refuzuar një kandidaturë për ministër, pasi i vetmi kusht që përcakton Kushtetuta per Presidentin është të shohë plotësimin e kritereve për të qenë deputet.
Në rast se Kushtetuta do ia njihte të drejtën për të refuzuar, unë do e refuzoja kandidaturën e ministrit të Brendshëm, por në kushtet kur Kushtetuta nuk ia jep këtë të drejtë, besoj dhe shpresoj që ai institucion të cilit ia njeh Kushtetuta këtë të drejtë, që është Parlamenti ai që do gjykojë dhe vlerësojë të gjitha rrethanat, situatën politike dhe specifikën që ka jeta shoqërore e politike në janë zgjedhjet e ardhshme politike”, është shprehur paraardhësi i Metës një vit më parë. /tesheshi.com/
