Kryeministri Rama ofroi një qasje të re politike në lidhje programin e saposhpallur të PD-së për 25 prillin. Sipas tij, nuk është çështje karakteri dhe jo programi.
“Qytetarët duhet të ballafaqojnë karakteret njëherë pastaj programet dhe çfarë është bërë dhe kush mund të bëjë më shumë.
Por fillon nga karakteri i lidership-it dhe karakteri i forcës politike, kështu votojnë.
Ne e kemi thënë me kohë që do ndajmë një platformë për Shqipërinë e vitit 2030.
Ne nuk mund të flasim thjesht për një program elektoral për të marrë punët në dorë, por për një vizion dhe për ecurinë e punëve, për të ndarë bindjen tonë që vetëm ne jemi në gjendje për të bërë atë që qytetarët duan.
Së shpejti do kemi mundësi ta ndajmë vizionin me qytetarët”, tha Rama në konferencën javore për mediat nën slloganin “Ekonomia në fokus”. /tesheshi.com/
