Kryeministri Rama ia ka bërë të qartë opozitës, më saktë dyshes Berisha-Meta, se perimetrin e sigurisë për Samitin e 6 dhjetorit në Tiranë nuk e vendos ai, ndaj dhe s’mund të negociohet.
Dyshja në fjalë ka vemdosur të organizojë një proteste para Kryeministrisë atë ditë kur krerë të BE-së mbërrijnë në kryeqytetin shqiptar për një Samit me Ballkanin Perëndimor, por kjo duket se nuk do jetë e mundur, së paku aty ku duan ata.
“Sa i përket masave të sigurisë, ato nuk negociohen me askënd. Janë masa sigurie që vendosen nga vetë Komisioni, Këshilli Europian që vendos masa kudo ku ka evente.
Forcat tona punojnë me organizatorët e Samitit. Këto janë masa shumë të rrepta sigurie, aq më tepër në situatën ku këtu do të vijnë të gjithë liderat e BE. Dhe për ta ka masa ekstreme kudo ku lëvizin”, deklaroi Rama në përfundim të mbledhjes së qeverisë.
Po aty, ai bëri me dije bonuset e fundvitit.
“Duke filluar nga dita e nesërme do fillojë lëvrimi i bonusit të fundvitit për të gjithë 695 mijë pensionistë, prej 5 mijë lekët të reja edhe se kemi pasur vështirësi këtë vit, përsëri për ne ka qenë e padiskutueshme që jo vetëm për pensionistët por edhe për pensionistë invalididteti me të cilët kemi pasur dhe një dialog intensiv në nivelin e minsitrisë së Financave dhe do akordojmë 6 mijë lekë të reja plus për ata që shkojnë 110 mijë lekë të vjetra për këta pensionistë si kompensim i nevojshëm dhe merituar.
Po ashtu do mbështesim edhe 64 mijë familje për të cilat kemi pasur disa rritje të ndihmës, por përsëri do marrin një bonus fundviti dhe për tetraplegjikët. Në total është një paketë për 1.3 miliard lekësh të reja, rreth 400 milionë dollarë që janë vënë në dispozicion për këto persona”, tha Rama ndër të tjera. /tesheshi.com/
