Kryeministri Rama bëri publike çmimet e procesit të riatdhesimit për të gjitha ata shqiptarë që duan të kthehen në vend pas mbylljes së kufijve. Sipas tij, çmimet janë tejet të arsyeshme në raport me situatën e vështirë ku gjenden të gjithë, edhe qeveria.
“Sot hapen prenotimet për fluturimet e riatdhesimit që nisin të shtunën nga Roma.
Paketa do të jetë 100€ për fluturimin që do të paguhen nga personi dhe 21€ në ditë për akomodimin 14-ditor në hotel, prej të cilave 14€ do të mbulohen nga qeveria për fjetjen e shërbimin me standartet anticovid-19, ndërsa vetëm 7€ do të paguhen nga personi për ushqimin.
Besoj se kjo paketë është mëse e arsyeshme e falenderoj Air Albanian dhe operatorët turistikë për mirëkuptimin dhe kontributin e tyre me zemër shqiptare në këtë nisëm aspak të lehtë, për situatën e ndërlikuar që po kalojmë.
*Çmimi i biletës do të variojë sipas destinacioneve, ndërsa pagesa e hotelit karantinë do të jetë fikse për të gjithë natyrisht”, shkroi shefi i qeverisë. /tesheshi.com/
