Kryeministri Edi Rama ka publikuar mëngjesin e sotëm pamje nga ujërat termale në Përmet.
Përmes një statusi në profilin e tij në ‘Facebook’, Rama shkruan se këto ujërat janë një oaz i bukur monumentesh të natyrës dhe historisë tonë kulturore.
“Mirëmëngjes dhe ju uroj një ditë të mbarë me këtë pamje të ujërave termale nën Urën e Kadiut në Bënjë të Përmetit, një oaz i bukur monumentesh të natyrës dhe historisë tonë kulturore.”, -shkruan Rama.
Por siç ndodh zakonisht pas çdo postimi të kryeministrit vërshojnë me dhjetra komente të ndjekësve të tij në rrjetin social.
Kryesisht komentet e tyre kanë të bëjnë me hallet e përditshme që nisin nga papunësia, ekonomia, dhe vijojnë me vettingun dhe ligjin e plehrave, i ciliështë tërhequr tashmë nga rendi i punimeve të Parlamentit dhe do të diskutohet me qytetarët. /tesheshi.com/
