Nga Roma, kryeministri Rama tha nuk do e pranonte marrëveshjen për emigrantët nëse do vinte nga një vend tjetër i BE-së, pra jo nga Italia.
“Nuk do të pranoja kërkesa të tjera nga vendet evropiane, i kemi pasur nga vendet e tjera të BE-së, por kemi thënë jo”, tha Rama, duke shtuar janë “shtete kushërinj dhe jo vende simotra si Italia”.
Ai shpjegoi dy arsyet se pse e pranoi marrëveshjen me Melonin: para se Italia është një vend simotër dhe e dyta, ajo nuk po përpiqet “të transferojë problemin, por të të zgjerojë hapësirën për të menaxhuar këtë rrugë duke u marrë me vetë problemin”.
Sipas tij, marrëveshja nuk ka asgjë jokushtetuese, pasi u pezullua së fundi në Kushtetuese.
“Kushtetuta është automatike, duhet patjetër që të pezullohet marrëveshja që ajo të merret në shqyrtim para se të ratifikohet nga parlamenti. Jam i qetë se në marrëveshje nuk ka asgjë jashtë kushtetutës.
Ne do presim me qetësi vendimin që më pas të nisim nga puna. Brenda marsit është limit, por besoj se vendimi do jepet më parë pasi është një marrëveshje shumë e rëndësishme dhe të dyja qeveritë duhet ta dinë që të ecin përpara”, tha Rama. /tesheshi.com/
