Në 25-vjetorin e Gjykatës Kushtetuese, kryeministri Rama ka vendosur ta vlerësojë këtë instancë të drejtësisë shqiptare për aktin e saj të paradisavjetshëm, të anullimit të marraveshjes detare me Greqinë.
“Nëse ka një institucion të gjyqësorit shqiptar ku sot mund të hyhet pa patur turp është pikërisht Gjykata Kushtetuese. Nuk ndodh shpesh në jetën e një institucioni që të fitojë simpati dhe mbështetje popullore sic ndodh me këtë gjykatë për çështjen e kufirit”, tha Rama. Shefi i qeverisë shqiptare e vlerësoi Gjykatën Kushtetuese si më të besueshmen e sistemit të drejtësisë.
Për momentin, kjo gjykatë po drejtohet nga Bashkim Dedja, i emëruar në kohën e Berishës dhe me bekimin e tij, por që në vite ka treguar integritet në marrjen e vendimeve të vështira. /tesheshi.com/
