Kryeministri Edi Rama thotë se Ballkani ka regjistruar një progress të jashtëzakonshëm politik, në një deklaratë në lidhje me rezultatet e samitit të Vjenës, mbajtur pak ditë më parë. Nga konferenca e Berlinit në atë të Vjenës, sipas tij, ka progres e këto dy samite kanë rritur vëmendjen për avancimin e mbështetjes ekonomike e financiare për rajonin.
Shefi i qeverisë së Tiranës thotë se palët e përfshira në procesin e iniciuar nga kancelarja Merkel, kanë marrëveshje për financime dhe investime në infrastrukturën rajonale.
“Prioritet në këtë drejtim është korridori i Kaltër, që lidh Shqipërinë me Malin e Zi, ndërkohë që mbështesim edhe projektin e quajtur Rruga e Paqes, që lidh Serbinë, Kosovën dhe Shqipërinë përmes aksit Nish-Prishtinë-Durrës”, deklaroi Rama.
Reforma në arsim, është një fushë ku ka nevojë për mbështetje financiare.
“Ne kemi nisur një reformë në këtë sektor sipas modelit gjerman, por duhet një mbështetje financiare për ta fuqizuar këtë rrjet”, nënvizoi Rama. /tesheshi.com/
