Kryeministri Rama prezantoi diplomatin e njohur Zef Mazi si njeriun që do udhëheqë negociatat e Shqipërinë me BE-në në sfidën e negociatave dhe anëtarësimit.
Edhe pse kritik me qeverinë sa i përket disa lëvizjeve në politikën e jashtme, Mazi mori vlerësime maksimale nga Rama.
“Hyn në rrethin e atyre që Shqipëria i ka dhe ka jo pak në botë e sotme , dhe përfaqëson të dyja anët e një medaljeje të 30 viteve.
Mazi është parë dhe si kandidat për të qenë president, pra një shembull respekti që ai gëzon. Ky është një element i rëndësishëm, sepse ka referencën e të gjitha palëve”, tha shefi i qeverisë.
Rama foli për një “bast” në atë që mund të arrijë Shqipëria me kryenegociator Zef Mazin.
“Historia e marrëdhënieve tona me BE është e gjatë, e cila daton shumë kohë më parë se sa forcat e mëdha progresiste t’i jepnin jetë BE dhe tani ka hyrë në materializim për ne.
Sot jemi në kushtet kur përgatitemi për një hap historik për konferencën e parë, në kushtet kur e kemi dritën jeshile. Kemi kryenegocitorin tashmë, Zef Mazin, i cili është në funksion të kësaj detyre.
Ne kemi preferuar të vëmë bastin tonë, me që është një ndeshje që nuk i dihet koha, një diplomat me një histori disi të veçantë, i cili ka shërbyer për shumë vite për shtetin, por ka shërbyer edhe për organizma të rëndësishme ndërkombëtare, është më shumë se sa një diplomat”, theksoi i pari i qeverisë. /tesheshi.com/
