Edhe pse me tregues shifrorë pretendon taksa të ulëta, kryeministri Rama ka premtuar ulje taksash në buxhetin e ri, siduket i kompleksuar nga akuzat për rritje taksash, ardhur nga opozita por dhe opinion tregtar në përgjithësi.
“Diskutime të frytshme për buxhetin 2019. Ulje taksash. Rritje pagash në arsim, shëndetësi, ushtri. Dhe një risi shumë domethënëse: Një politikë e re sociale që as mendohej dot pa ndërmarrë reformat e dhimbshme shtetbërëse. Më shumë për këtë nesër në 10.30”, shprehet Rama në FB.
Rama ka mbrojtur tezën se në qeverisjen e tij nuk ka patur asnjë rritje taksash, porse fakti që njerëzit po paguajnë atë që deri dje nuk e paguanin, qoftë nga detyrimet fiskale po qoftë dhe nga shërbimet e ndryshme, përfshirë dhe energjinë elektrike, u ngjan tashmë si rritje taksash. /tesheshi.com/
