Kryeministri Rama premtoi se do ketë një plan ekonomik për krizën që po shkakton pandemia e koronavirusit, por sipas tij, edhe për këtë duhet durim.
“Duke ndjekur komentet tuaja u them të gjithë atyre që pyesin për planin ekonomik të daljes nga kjo krizë humanitare që të bëjnë pak durim! Na duhen edhe disa ditë, ju lutem durim! Ju kujtoj tërmetin dhe ju përsëris: t’i bëjmë gjërat hap pas hapi që të mund të shkojmë në destinacion! kini besim se çfarë është në mundësitë e kësaj toke, nuk do të mbetet pa u bërë“, shkroi Rama, i cili gjithashtu iu përgjigj dhe kritikave në rrjete për një akt të fundit normativ, ku parashihen sanksione të ashpra ndaj atyre që bëjnë shkelje të urdhërave në kuadër të masave drastike të ndërmarra.
Ndërsa kujt ankohet për gjobat e rënda të aktit normativ i them se gjobat nuk janë për popullin, po për shkelësit e rregullave të kësaj lufte dhe nuk janë për të mbledhur shteti para, po për të mbrojtur popullin nga shkeljet që në këtë situatë lufte kërcënojnë shëndetin e tij!
Sa për një shembull: shkeljet sot kanë qenë afër zeros! Të vazhdojmë siç e kemi nisur, të bëjmë durim, të mos kërkojmë në një situatë lufte të zgjidhim brenda tre ditësh, të gjitha problemet e pasluftës!“, shkroi i pari i qeverisë. /tesheshi.com/
