Kryeministri Edi Rama ka “kërcënuar” Europën me paralajmërimin se nëse ajo nuk i përgjigjet vizionit shqiptar mbi të ardhmen europiane, atëherë do shihet tjetër mundësi. Komenti i Ramës, është bërë gjatë një interviste në France 24.
“Përsa kohë që BE do të jetë objektivi ynë mund të kemi përplasje, por ne jetojmë në Ballkan dhe nuk është befasi që të rikutjojmë të shkuarën, por tani ne po jetojmë periudhën më të mirë dhe kjo për shkak të BE. Po të mos ishte BE ju nuk do ishit këtu kaq elegante, por do të kishit veshur një xhaketë prej metali. Unë kam thënë një gjë që është e dukshme që BE është në fakt ai që na mban ne sa i përket asaj që ne shikojmë, që BE është frymëzimi. Por në rast se BE do të largohet nga ëndrra që ne kemi, sigurisht ne do të shikojmë alternativa të tjera, ky nuk është vizioni im, dëshira ime apo ajo që unë uroj që do ndodhë, por është një gjë që mund të ndodhë në rast se BE do jetë taktik”, ka thënë Rama, duke regjistruar kështu një tjetër deklaratë kontraverse.
Ndërsa sa i përket zhvillimeve të brendshme shqiptare, Rama është përbetuar se kanabisi do të zhduket deri në fund të vitit, e se do mbetet thjesht një histori e së shkuarës.
“Këtë vit në kemi pasur një kthesë në formë U-je, sepse në këtë fazë të vitit mund të bëhet një vlerësim për sa kanë qenë të mbjellat. Ne kemi pasur një ulje dramatike dhe unë kam besim që në fund të vitit kultivimi i kanabisit nuk ka për të qenë më aty, pra ka për të qenë histori. Ekonomikisht mund të jemi të dobët, por nuk mund të jemi një vend që po vdes urie. Ne jemi të varfër saç janë të tjerët në rajon. Kemi pasur një rritje ekonomike 3.5% dhe kemi besim që mund të kalojmë 5% vitet e ardhshme. Këtë vit kemi pasur edhe shumë mbështetje nga emigrantët. Pra le të themi që shteti shqiptar nuk është i pasur, shqiptarët janë të varfër, por jo aq të varfër sa mund të mendojë ndokush duke parë shifra, për arsye se ka para që vijnë nga emigracioni. Ekziston edhe ekonomia informale që duhet luftuar fort”, ka deklaruar ndër të tjera shefi i ekzekutivit shqiptar. /tesheshi.com/
