Kryeministri Rama ka bërë një krahasim domethënës dhe sfidues për ndërkombëtarët, duke kujtuar se Hashim Thaçi ishte Zelensky i dikurshëm, por sot është në burg, në Hagë. Putin ishte Millosheviçi.
Këtë e tha në Londër në një bashkëbisedim me gazetarët e atjeshëm.
“Ai ishte Zeleksky i Kosovës në atë kohë dhe sot është në burg. Shpresoj që Zelensky të mos shkojë në burg me këtë logjikë për krime lufte.
Të akuzosh për krime lufte dikë që ka drejtuar një rebelim kundër një agresori që kishte për qëllim spastrim etnik, si të ishte komandant i një shteti të organizuar, kjo është flagrante.
Por është më e tmerrshme akoma që ka pretendime për trafikim të organeve të qenieve njerëzore bazuar në disa histori në Shqipëri për Shtëpinë e Verdhë. Nuk ka Shtëpi të Verdhë. Nuk ka asgjë Eshtë një turp”, tha Rama, duke folur sërish për Raportin e Dick Marty-t, pyetur dhe për këtë.
“Eshtë një kurth rus dhe kjo është e qartë. Për rusët që ende kurthi i tyre punon dhe gjithë komuniteti europian demokratik punon bazuar mbi një kurth rus. Dhe ky raport është një turp për Këshillin e Europës. Kjo është e vërteta”, theksoi Rama. /tesheshi.com/
