Kryeministri Rama ka pranuar se disa të ftuar në një darkë të misionit shqiptar në Këshillin e Europës, nuk i janë përgjigjur asaj.
Sipas kreut të qeverisë shqiptare, kjo është mëse e kuptueshme.
“Disa prej të ftuarve mbrëmë nuk erdhën në darkën e organizuar nga misioni ynë në Strasburg,megjithëse e kishin konfirmuar më parë!
Nuk ndjehemi mirë pas fjalimit,ishte arsyeja.E mirëkuptueshme.
S’ke si ndjehesh mirë kur dëgjon një histori horrori si sajesa e trafikut të organeve!
Bashkëbisedimi me ndonjërin syresh pas darkës ishte kuptimplotë. U ka rënë si rrufe në qiell të pastër! Do t’u duhet ca kohë për të analizuar faktet, kuptuar madhësinë e frikshme të gabimit të bërë një dekadë më parë dhe adresuar nevojën për korrigjimin e tij me një akt të ri.
Por është e neveritshme, që edhe për një padrejtësi kaq ekstreme dhe për një të drejtë kombëtare kaq legjitime, e kaq përtej politikës së ditës, e djathta jonë e nongratave dhe e rublave, gjen kurajon të kundërvihet e të merret me dokrra!#NjerëzPaAtdhe #KatranMeBojë”, shkruan Rama, duke iu referuar reagimeve nga opozita, të cilat sigurisht nuk kanë qenë aspak dashamirëse.
Rama kërkoi në Asamblenë e KE-së, në një fjalim në stilin e tij, që raporti i Dick Marty-t që kriminalizon UÇK-së të zhbëhet. /tesheshi.com/
