Për kryeministrin Edi Rama, territory shqiptar është i pastruar nga kanabisi. Kështu e ka thënë ai literalisht gjatë fjalëmbajtjes në mbledhjen javore të grupit parlamentar socialist.
Rama po trajtonte çështjen e hapjes së negociatave teksa u ndal te kanabisi, si një kusht europian për çeljen e tyre, në pranverë siç shpreson Rama. Shefi i ekzekutivit shqiptar tha se do jetë një raport i Guarda di Financa-s në Bruksel që do e vërtetojë këtë fakt.
Por Rama e ka pranuar se kanabisi ishte përhapur në të gjithë territorin, duke shtuar “ndër vite”, pra duke dhënë të kuptuar se ai nuk e pranonte faktin që përhapja e kanabisit në gjithë territorin shqiptar, fenoment i qartë i pas-Lazaratit, ishte diçka ekskluzive e qeverisjes së tij. /tesheshi.com/
