Në një replikë me ish-kryetaren e Kuvendit e njëherësh deputeten, znj. Jozefina Topalli, kryeministri Rama ka zbuluar një fakt: që deputeti Mark Frroku nuk merrte pjesë në mbledhjet e grupit parlamentar socialist, që kur nuk pranoi t`i kërkonte ndjesë pikërisht znj.Topalli, pas një fjalori jo etik ndaj saj.
Ja shpjegimet e Ramës:
“Po të kujtoj së Mark Frroku nuk është deputet i PS-së
Së dyti, Mark Frroku ka ardhur si deputet i një partie të vogël.
Së treti, Frroku si pjesë e kësaj mazhorance merrte pjesë në mbledhjet e grupit parlamentar, dhe a e di se kur është larguar pa kthim nga grupi?
Kur është marrë me ty në një mënyrë jo dinjitoze.
I kam kërkuar të të kërkojë ndjesë publikisht, jo për ty, por për atë që përfaqson si grua dhe ish-kryetare Kuvendi”
Kjo ka ndodhur legjislaturën e kaluar, ku në një prej seancave, deputetja Topalli deklaron se Mark Frroku është është më preçedentë penale, pasi është akuzuar nga drejtësia belge për nja vrasje. Deputeti Frroku i përgjigjet në një mënyrë jo-etike, edhe duke i kujtuar shërbimet që I kishtë bërë vetë asaj dhe PD-së gjatë fushatave të kaluara elektorale.
Më pas, Rama i kërkon deputetit Frroku që të kërkojë falje, por ky i fundit nuk pranon. Ditët rrodhën dhe askush nuk u morr më me përplasjen Rama – Frroku në grupin e mazhorancës. E sipas atyre çfarë ka deklaruar Rama sot, Frroku është ndëshkuar që në atë kohë për të mos qenë më prezent në mbledhjet e grupit parlamentar të PS-së. /tesheshi.com/
