Kryeministri Rama mbrojti për të “n”-tën herë “Ballkanin e Hapur”, së fundi si reagim ndaj dyshes Osmani-Gjukanoviç, pra krerëve të shtetit të Kosovës dhe Malit të Zi, takuar e biseduar në Prishtinë.
“Kushdo është kundër Ballkanit të Hapur është në të drejtën e vet që as mos të shohë, as mos të dëgjojë dhe as mos të kuptojë se kjo nisëm nxit paqen, bashkëpunimin, integrimin dhe e përshpejton Procesin e Berlinit!
Ballkani i Hapur nuk do të ndalet sepse e ardhmja nuk ndalet dot”, shkroi Rama.
Siç dihet, Kosova e Mali i Zi, ashtu siç Bosnja, nuk i janë bashkuar nismës, duke dyshuar se pas saj fshihen qëllimet e Beogradit për një “Jugosllavi të re”.
Nga ana tjetër, kryeministri i ri i Malit të Zi, shqiptari Dritan Abazoviç, i cili ka pohuar se është pro kësaj iniciative rajonale, duke argumentuar se ajo është e krijuar që brenda vetes t’i ketë të gjashtë shtetet e Ballkanit Perëndimor dhe se Kosova është ajo që përfiton më së shumti. /tesheshi.com/
