Kryeministri Edi Rama mundi të realizoi një porcion dialogu me studentë e pedagogë, prej atij që e kërkon prej gati dy javësh, që kur startuan protestat. Kjo u bë realitet te Fakultetit Gjeologji-Miniera, pas të cilit Rama shkroi:
“Faleminderit për mikpritjen grupit të studentëve dhe pedagogëve të Gjeologjikut, me të cilët patëm një bashkëbisedim të dobishëm për Dialogun (e në fakt zhvilluam vetë Dialogun). Mësova gjëra të reja prej tyre, mbase edhe ata e kuptuan mirë se ku e kam hallin unë. Nesër vazhdojmë”.
Rama tha se pret që ky dialog të shtrihet dhe në fakultete të tjera.
“Pasi të ezauroj bisedat me të gjitha universitetet, të kemi gati në një kohë të arsyeshme një pakt të qeverisë me universitetin që do përmbajë një analizë të gjendje sbazuar nga u nisëm e ku jemi…”, tha Rama.
Por ndërkohë, nga një pjesë studentësh vijon të këmbëngulet për asnjë lloj dialogu, asnjë lloj bisede, pa u plotësuar 8 kërkesat. /tesheshi.com/
