Kryeminsitri Rama reagoi në lidhje me zhurmnajën më të fundit në ambientin politik dhe publik shqiptar, në lidhje me përgjimet e dosjes së Ndragheta-s, një gjyq për të cilën ka nisur në Itali.
Në përgjime aludohet për implikime shqiptare, por Rama zgjodhi t’i referohet vetëm asaj çfarë ka konkluduar drejtësia italiane.
“Nuk do të them për këtë se ‘duhet të flasë drejtësia’. Sepse në këtë rast ka folur qartësisht duke dhënë konkluzion ekipi italian. Dhe po jua lexoj për të thënë pse është turp për të gjithë ju që në vend te merreni me fakte, bëni dezinformim.
Në konkluzion, citoj prokurorinë italiane: ‘Pas më shumë se një viti udhëtimesh në Tiranë dhe bisedimesh me njeri-tjetrin për investimet që do të bëheshin në Shqipëri ata dështuan totalisht dhe i vetmi investim është një dyqan i vogël. Në vitin 2018 sipas bilanceve të publikuara në QKB ka shitur mallra për 5 milionë lekë të reja dhe humbi në fund të atij viti rreth 400 mijë lekë të reja. Ndërsa në vitin 2019 siguroi 4 milionë lekë të ardhura dhe 1.8 milionë lekë humbje’
Ky është citim nga konkluzionet e prokurorisë italiane dhe marrja e këtij llumi dhe servirja e këtij llumi si ushqim për shqiptarët, netëve të gjata të mehjaneve televizive dhe ditëve të gjatë të kërkesës për klikime dhe spektakël është turp, që i mëshiron më së miri ata të cilët i ushqejnë këto lloj qasjesh. Janë të njëjtët dhe që priren t’i ‘bëjnë nënën këtij vendit’”, ishte përgjigja e të parit të qeverisë shqiptare ndaj një interesimi gazetaresk në një dalje për mediat me tjetër temë. /tesheshi.com/
