Kryeministri Rama komentoi reagimet e fundit të Metës, duke thënë se ai ka bërë që e ka përcaktuar 25 prillin si referendum, pasi e tillë sipas Ramës do jetë zgjedhja atë ditë, mes Metës dhe Reformës në Drejtësi.
“Në një farë mënyrë Meta duhet falenderuar…Meta i fton shqiptarët në një referendum duhet të zgjedhin me drejtësinë apo me Metën. Zgjedhje më të qartë dhe të drejtpërdrejtë shqiptarët nuk mund të kenë në 25 prill”, tha Rama.
Ndërsa duke komentuar marrëveshjen paszgjedhore mes PD-së dhe LSI-së, nënshkruar një ditë më parë, Rama tha se ajo ka për synim Bashën.
“Është pjesë e planit për të lidhur Lulin me zinxhirin e Monikës, për llogari të Ilirit dhe Saliu dhe pastaj ose për të marrë pushtetin dhe për të shpërbërë Reformën në Drejtësi, ose kokën e Lulit.
A ka më thjeshtë se kaq dhe është shumë e qartë pse e duan Lulin para zgjedhjeve?
Por këtu problemit nuk është Meta, por Lulzim Basha që nuk ka këllqe, që nuk ka karakterin e një lideri që të mos fshihet as kur i tregojnë se çfarë do t’i bëjnë të nesërmen dhe as kur aleati i tij i madh thotë ‘unë amerikanët i kap për veshësh’. Por nuk ia kërkojmë pasi nuk është lider, por i një shoqërie aksionere me dy ortakë, Ilir Metën dhe Sali Berishën dhe me një notere e përmbaruese, Monikën”, tha Rama ironikisht.
Në gjykimin e tij, me 25 synohet vetëm një gjë: zhbërja e Reformës në Drejtësi, pas së cilës qëndrojnë Meta me Berishën.
Shikoni Ilir Metën dhe aty matet besueshmëria e reformë. Kuptoni se ka filluar të japë disa shenja domethënëse që nuk janë shumë dhe fare mjaft por që janë mjaftueshmërisht të qarta për të tensionuar Ilir Metën dhe Sali Berishën. Shumë e qartë kjo”, theksoi i pari i qeverisë. /tesheshi.com/
