Pas një mesazhi të ambasadores Yuri Kim mbi zgjedhjen e pritshme të kreut të ri të SPAK, ka pasuar një dhe nga kryeministri Rama.
Ky i fundit kujton dhe potencon se atë s’mund ta zgjedhë as ambasada amerikane.
“Jam plotësisht dakord me ambasadën amerikane dhe boll me thashethemet e katundit politik e mediatik!
Kreun e SPAK s’e zgjedh as qeveria, as foltorjavulorjafallgjorja, as ambasada jo e jo, po një institucion i quajtur Këshilli i Lartë i Prokurorisë, që varet vetëm nga anëtarët e vet!
Prandaj anëtarët e KLP të mos dëgjojnë askënd përveç kandidatëve, të mos lexojnë asgjë përveç biografisë profesionale të kandidatëve, të mos influencohen nga askush përveçse nga profili e perfomanca e kandidatëve!
Ata japin llogari vetëm para pasqyrës së tyre dhe askujt tjetër”, shkruan Rama.
Me ç’duket, nënteksti i mesazhit të kryeministrit është se amerikanët mund ta mbështesin SPAK, por jo të diktojnë se kush do jetë në krye të kësaj struktuese hetuese. /teshesh.com/
