Kryeministri Rama e cilësoi gjendjen nga koronavirusi si një “luftë”. E sipas tij duhet vepruar si në luftë.
“Ky virus është një armik do të bëjmë çmos që të përballojmë këtë armik. Dhe do ta vrasim si një armik. Do të zvogëlojmë plagët dhimbjet dhe humbjet. Në vendin fqinj po qëndrojnë hapur vetëm ushqimoret dhe farmacitë.” tha Rama, duke ofruar dhe shpërblime për njerëzit e llogoreve të para.
Rama ka thënë se të gjithë infermierët dhe mjekët që shërbejnë për pacientët e prekur nga koronavirusi do të paguhen nga 1 mijë euro.
“Do t’i dhe mjeket e infermierët nga 1000 euro ndërsa shoferët 500 euro. Ka disa figura të mëdha mjekësia. Mendja dhe eksperienca janë pasuria më e çmuar. disa njerëz që janë dinamik edhe pse janë në pension janë të ftuar. Edha ata do të paguhen 1 mijë euro për të kontribuar në këtë luftë”, theksoi shefi i qeverisë.
Ai më pas paralajmëroi masa që siç tha, nuk do donte t’i merrte, por situata e kërkonte.
“Do mbyllim pube, disko palestra dhe mjedise që mbledhin shumë njerëz për të vendosur shëndetin të parin.
Edhe njëherë e them se më ka rënë mua që të bëjë policin dhe të keqin por duhet. Kjo është gjëja që duhet bërë.” ka thënë Rama. /tesheshi.com/
