Në një zbulim që ka bërë bujë më së shumti në Itali se sa në Shqipëri, kryeministri shqiptar Rama pranoi se kishte “kontrabanduar” vaksina për koronavirusin me bashkëpunimin e ministrit të Jashtëm të Italisë, Luigi di Maio dhe shërbimeve sekrete të dy vendeve.
Ai e tha këtë gjatë një konference në Bergamo kur iu referua muajve të parë të pandemisë dhe kur kishte nisur dorëzimi i vaksinave të para Pfizer.
“Në atë kohë nuk kishim vaksinë (përfshirë Shqipërinë) dhe presioni ishte i madh. Njerëzit kishin frikë se do të vdisnin si peshku jashtë ujit. Atëherë i thashë Di Maio-s (i cili ishte i pranishëm në konferencë): A mund të na jepni një numër simbolik për të filluar vaksinimin e mjekëve dhe infermierëve?”, e nisi Rama përshkrimin e tij.
“Përgjigja e parë ishte negative, sepse Pfizer kishte një kontratë shumë imperialiste dhe kapitaliste: Unë i jap, por ju nuk mund t’i jepni askund tjetër. Është çdo gjë tjetër veçse një praktikë e krishterë”, vijoi Rama, duke iu qasur fetarisht Pfizer-it, paçka afërisë dhe personale që krijoi me CEO-n e kësaj kompanie, duke e takur personalisht atë kohë në SHBA.
“Pastaj Luigi më tha: është serioze, nuk mund ta bëjmë sepse po bëjmë diçka të gabuar’. Por këtë e kemi bërë serioze me një operacion të kryer nga shërbimet sekrete”, theksoi Rama.
Më pas, ai tha diçka në stilin e tij: “Nëse unë jam shqiptaro-italian, Di Maio është napolitan-shqiptar dhe kemi bërë një operacion kontrabande bashkë. Çfarë italiani apo shqiptari është dikush nëse zbaton gjithmonë ligjin?”
Due ministri al centro di “un’operazione di contrabbando di vaccini” anti #Covid. Le parole del premier albanese #Rama su un episodio, finora segreto, che coinvolge Luigi #DiMaio: https://t.co/nbqRskQkzL pic.twitter.com/LuoHOHjixF
— Sky tg24 (@SkyTG24) October 9, 2022
Në vazhdim të zbulimit të tij, Rama shpjegoi se “kishte, megjithatë, një problem tjetër pasi vaksinat nuk mund të qëndronin të fshehura, por duhej të bëheshin”. Madje ai kujtoi një takim që kishte me avokatët e Pfizer-it, ku u pyet se ku i merrte dozat për Shqipërinë. ‘Nga shteti mik’, iu përgjigja, por ata insistuan që t’u them se nga cili shtet mik ‘ndryshe do të bëjmë padi’. Pastaj u thashë atyre: ‘Ne kemi mësuar nga napolitanët që nuk duhet t’i tradhtoni kurrë, kurrë, kurrë miqtë tuaj në polici’ dhe kështu nuk e tradhtova këtë mikun tim”. /tesheshi.com/
