Kryeministri Rama komentoi, i detyruar nga media, akuzat në SHBA ndaj një zyrtari të FBI-së, me të cilin ai është takuar disa herë.
Fjala është për Charles McGonigal, i cili akuzohet për favorizim të një oligarku rus, por që ka patur takime të shumta me Ramën që nga 2017-ta, gjë që sipas këtij të fundit nuk kanë asnjë lidhje me njëra-tjetrën, apo me çështje të tjera që mund ta akuzohet zyrtari amerikan i inteligjencës.
“Këto janë derivate të keqleximit të këtushëm, përmendja e emrit si pjesë e një takimi nuk ka asnjë lidhje me përfundimet që ka nxjerrë hetimi në SHBA. Takova një zyrtar të lartë, po, e takova, disa herë. Kjo nuk përbën asnjë arsye për të nxjerrë konkluzione të reja duke parë nga Tirana me dylbitë e politikës së qorollepsjes së njerëzve, aq më pak kush jemi para një prove të re në lidhje me 21 janarin dhe kërkesën për hapjen e hetimit të SPAK. Kush e kupton e kupton, unë nuk kam pse komentoj asgjë. Unë dhe qeveria e Shqipërisë nuk ka asnjë lidhje me përfundimin e hetimit për një çështje dytësore të dalë rrugës, ndërkohë që kryesorja është krejt tjetër”, tha i pari i qeverisjes.
Opozita po sheh konspiracion në takimet e Ramës me McGonigal, këtu e pak vite më parë, madje duke pretenduar se “non grata” ndaj Berishës, apo financimi rus i Bashës, janë punë janë punë të ish-zyrtarit të FBI-së me yshtjen e Ramës. /tesheshi.com/
