Sipas një njoftimi të bërë në rrjete nga kryeministri maqedonas Zoran Zaev, ai dhe homologu i Tiranës Edi Rama, kanë qenë në një iftar në Sarajevë, të ftuar nga një tjetër homolog i tyre, Denis Zvizdiç.
“Me ftesë të Kryetarit të Këshillit të Ministrave të Bosnje dhe Herzegovinës, Denis Zvizdiç, mora pjesë në darkën e Iftarit në Sarajevë së bashku me Kryeministrin e Shqipërisë, Edi Rama.
Ditët e agjërimit të Ramazanit janë një kujtesë se dashuria, respekti, solidariteti, mirësia, dashuria dhe falja janë vlera që duhet t’i respektojmë dhe që na bashkojnë si popuj“, shkruan Zaev në impresionin e tij.
Por në raport me agjërimin, si qëndron çështja e shefit të qeverisë shqiptare? Ai është vetëdeklaruar i krishterë, por fakt është se citon hera-herës Kur’anin në raste specifike trajtesash sociale me sfond politik. E kjo falë mpleksjes me vartës muslimanë në vite, si kryebashkiak e si kryeministër.
Një ndër rastet agjerimit prej tij është ai afro 10 viteve më parë, ku zgjedh Natën e Kadrit për të ushtruar ritin musliman të privimit nga ushqimi në një pjesë të ditës. Por fati e ka dashur të jetë në Bruksel atë ditë, në vendin ku iftari çelet vonë, për shkak se dhe mbrëmja bie vonë. Kjo rrethanë e ka detyruar të bëjë një goxha agjërim. /tesheshi.com/
