I ftuar në Studio e Hapur të gazetares Eni Vasili, kryeministri Edi Rama kërkoi që Greqia ta heqë ligjin e luftës me Shqipërinë. Sipas tij, grekët e konsiderojnë si diçka pa ndonjë rëndësi këtë ligj, por siç tha Rama, meqë e konsiderojnë si diçka kot, mirë është që ta heqin. “Por kot fare nuk është”, shtoi shefi i qeverisë.
Ndërsa i pyetur për ikjen e Blushit dhe themelimin e një partie të re prej tij, Rama zgjodhi një përgjigje me shumë ironi brenda për ish-mikun e tij politik e jo vetëm: “Blushi ka patur dy kryetar, Nanon dhe mua. Me Nanon drejtoi tre ministri e nuk bëri asnjë punë. Ndërsa me mua bëri tre libra. Mirë do ishte të bëntë dhe librin e katërt pasi kur ta themelojë partinë nuk do ketë mundësi të bëjë as punë e as libra”, ishte pra thënia e Ramës.
Më tej, në trajtimin e fenomenit “drogë”, Rama u pyet edhe lidhur me propozimin e ministrit Manjani për futjen në lojë të ushtrisë dhe krijimin e xhandarmërisë në luftën kundër saj, e të cilin e quajti një opinion personal. /tesheshi.com/
