Kryeministri Rama është i pari që ka reguar ndaj asaj se çfarë ndodhi paraditen e kësaj të enjteje në Kuvendin e Kosovës.
Duke parë që deri diku dhe në Kuvendin e Shqipërisë ka tension nga lloji i të bërit opozitë, në një zhvillim paralel ku dhe opozita në Shqipëri ka bllokuar sërish foltoren në një seancë për Arben Ahmetaj, Rama shkruan:
“Të mos jesh dakord me kryeministrin është demokratike, ta shprehësh kështu kundërshtinë është të njollosësh veten, zgjedhësit e tu dhe krejt shtetin me një turp që sot i bën dëm Kosovës edhe ndërkombëtarisht, më shumë se sa çfarëdo qëndrimi politik që po ia kundërshton kryeministrit!
Imagjinojini si ndjehen aleatët dhe miqtë e pazëvendësueshëm të Kosovës e të shqiptarëve, kur shohin se si kapen për fyti shqiptarët, aty ku duhet të luftohet me ide e me fjalë, jo me sharje e me grushta!
Uroj shumë që opozita të distancohet nga kjo sjellje e turpshme dhe t’i shërbejë Kosovës me forcën e shembullit, jo me shembullin e forcës!”. /tesheshi.com/
