Sipas tij, cilat do jenë sipas tij përfitimet e vendeve nënshkruese të “Ballkanit të Hapur”
Kryeministri Rama tha në 2022-shin do të fillojë një epokë e re për tre vendet e rajonit që janë pjesë e “Open Balkan”, Shqipërisë, Serbisë dhe Maqedonisë së Veriut.
Me heqjen e kufijve mes tre vendeve, i pari i qeverisë shqiptare tha se nuk do të ketë më stres dhe dhimbje koke në pikat doganore. Gjithashtu miratimi i lejeve të punës do të hapë tregun rajonal akoma më shumë.
“Më përputhje me këtë deklaratë kemi ftuar në samitin në Tiranë rektorë dhe dekanë të universitetit të bujqësisë të vendeve tona për të krijuar lidhje dhe bashkëpunim. Na duhet t’i bëjmë universitetet tona qendra të kërkimit për bashkëpunimin rajonal dhe procese të tjera jetike.
Synimi mbetet i njëjtë zbatimi i katër lirive të lëvizjes. Dua ta mbyll këtë hyrje duke thënë se sot nënshkrimi i marrëveshjeve të përgatitura me mjaft zell dhe gatishmëri shërben për të çuar një mesazh konkret te prodhuesit dhe importuesit, të cilët janë tashmë duke punuar në këtë hapësirë të përbashkët. Me këto marrëveshje, 2022-shi do të jetë një epokë e re.
Për të kaluar në kufi të ndryshëm se bazuar në këto marrëveshje dhe ato që do të bëjmë në fillim të vitit të ri, ata nuk do të përjetojnë më ato dhimbje koke të kaq kohë dhe stresin e kaq kohe pritje në kufi.
Numri i njerëzve, i ndërmarrjeve të vogla dhe të mëdha që tashmë punojnë mes Shqipërisë, Maqedonisë dhe Serbisë do të rritet më tej. Falënderoj Aleksandrin dhe Zoranin dhe ekspertët që janë përfshirë” tha Rama.
Kreu i qeverisë shqiptare edhe njëherë theksoi se kjo është një nismë gjithëpërfshirëse dhe u bëri thirrje vendeve të tjera që t’i bashkohen asaj.
“Është një moment kyç i procesit tonë sepse marrëveshjet që do të nënshkruhen do të përcaktojnë një hap shumë të rëndësishëm para drejt objektivit tonë, që është të garantojmë lirinë e plotë të lëvizjes së njerëzve, mallrave, kapitaleve e shërbimeve”, u shpreh Rama. /tesheshi.com/
