Kryeministri Rama paralajmëroi një paketë të tretë ndihme në valën e dytë COVID me të cilën po përballet e gjithë bota, ku e vuri theksin dhe te përgatitja e sistemit shendetësor në çdo zë, për ta përballuar situatën në përkeqësim.
“Në buxhetin e ardhshëm parashikojmë 55.3 miliardë, ose 9.4 përqind të buxhetit, vetëm për shëndetësinë në vitin e ardhshëm. Është financimi më i lartë publik për një vit. Pjesë e këtij buxheti do të jetë edhe rritja e pagave 40% për 18 mijë personel shëndetësor do të përfitojnë.
Po ashtu është një paketë e tërë specifike, 15 milionë euro, e siguruar nga Banka Botërore. Plus paketa për vazhdimin e luftës me COVID, 1.7 miliardë për mjetet e mbrojtës personale, për oksigjenin, dhe për pagat e bonuset. Në këto kushte mjekët dhe infermierët tanë në spitalet COVID do të çojnë në shtëpi, falë edhe taksave të ulëta që kanë, do të çojnë në shtëpi me shumë se do të çonin në Gjermani.
650 milionë lekë janë vënë në dispozicion në rast se do të futen më shumë njerëz në luftën kundër COVID. Janë mjekë dhe infermierë në rezervë, të cilët janë të regjistruar me emër dhe mbiemër. 1.2 miliardë të tjera për kapacitete laboratorike në Institutin e Shëndetit Publik. Dhe 1.4 miliardë për financimin e vaksinë përmes aleancën COVAX.
Po të kishim dëgjuar ata (opozitën), ne s’do të kishim më kokërr leku për të financuar këtë luftë. Ne po e shohim në dinamikë se sa do të jetë infektueshmëria dhe kemi një paketë tjetër, e cila do të dalë shumë shpejt, qoftë për të mbështetur të sëmurët për barnat esenciale, qoftë për të mbështetur familjet me ndihmë ekonomike. Masat tona shtrënguese aktualisht janë minimale, se ne nuk duam ta mbyllim ekonominë sepse mendojmë se ka mundësi që të mbajnë një ekuilibër. Ndaj i bëjmë thirrje njerëzve që gjithsecili që të respektojnë rregullat minimale. Ne duam që familjeve në ndihmë ekonominë t’i japim një mbështetje financiare.
Kjo valë është më e fortë se e para. Nëse shikojmë eksperiencën e mëparshme mund të pritet edhe një valë e tretë, e cila është më e dobët e dyta por ekziston. A do të vijë apo jo këtë nuk di ta thotë njeri. Por për këtë duhet të jemi të përgatitur”, theksoi i pari i qeverisë në një dalje për mediat.
Ndërsa në betejë argumentesh me opozitën akuzatore, Rama iu referuar asaj që ndodh kudo në botë.
Ka mësuar dhe një gjë Likja, s’ka plan. Likja që të vetmin plan që ka është se si të ndajë dëshmorët në mjeshtra sporti dhe ustallarë votash. Autoambulancat, shkoni nesër dhe shikoji se çfarë anë brenda. S’janë ato të Peço Vasilit. As Tritan Kryemadhit. Janë të pajisura me 100 % instrumentet për të sëmurët përkatës dhe me aparaturat e oksigjenit.
Çdo të thotë kjo se njerëzit dergjen në spitale? Jo nuk është e vërtetë. Ato presin, se është procedurë shtrimi, jo si ai futbollisti afrikani që theu këmbën dhe mori pasaportë për 8 orë. Si nuk ka vend në spital? Mund të mos kishte, siç nuk ka në Belgjikë. Fakti është që ka.
Çdo me thënë kjo se pse nuk i lënë telefona në pavionet COVID? Po kush i lë? Në Amerikë? Në Britani?! Ça është pavioni COVID? Apo është dasmë për të bërë video. Jo vetëm që e kemi një plan. Jo vetëm që strategjia e shkuar i ka shkuar dhe baba Xhikës në tryezë, si president, që në fakt prej presidenti ka vetëm kostumi. S’ka asgjë tjetër më. Por si pjesë e strategjisë ne jemi angazhuar financiarisht dhe për sigurimin e vaksinës”, tha Rama, duke shtuar se “në Shqipëri si e gjithë bota kemi një sfidë të madhe. Dje presidenti i zgjedhur i SHBA doli dhe paralajmëroi 200 mijë vdekje të tjera. Po arrijmë në shifra që si ka arritur asnjë luftë. Paralajmëroi kaq vdekje. Pse nuk e ndalon Amerika infeksionin me Lulëzim derdimenin?! Pse?!
Pse del kancelarja gjermane dhe thotë se prej rritjes së infeksioneve smund të gjurmohet zhinxhiri. Pse u doli jashtë kontrollit këtyre? Pse? Apo vjedhin ata me PPP të gjithë?
Kjo është një tallje poshtëruese me politikën. Eshtë kriminale të nxisësh panik me gënjeshtra dhe fabrikime. Është shprehja më kuptimplotë e dëshpërimit të të humburve”. /tesheshi.com/
