Kryeministri Rama ka paralajmëruar se ky muaj, nëntori, do jetë muaji i një goditjeje të fortë ndaj krimit dhe të ashtuquajturës prej tij “KÇK” (Kap ç’të kapësh – një shprehje referuar atyre njerëzve në drejtësi, që sipas, të bindur se nuk e kalojnë vettingun, po ndërmarrin akte të rënda korruptive).
“Kur dal përditë pse del përditë pse del përditë, kur s’dal ca ditë çfarë ka që s’del përditë, historia e vjetër hip se të vrava zbrit se të vrava. Sot e kam nisur ditën me grupin e punës për Ligjin Special kundër krimit të organizuar masat kundër KÇK që po finalizohen në letër. Brenda nëntorit fillon furtuna mbi foletë e krimit dhe korbat e KÇK”, shkroi shefi i qeverisë.
Ky mesazh i tij vjen në kohën e një hetimi intensiv për të gjetur se kush donte ta vriste prokurorin e quajtur prej tij si “të bandave”, Arjan Ndoja, i cili u ballafua pak ditë më parë me një atentat, nga i cili humbi jetën shoferi Andi Maloku. Në automjet me Ndojën, ishte dhe shtetasi problematik me ligjin, Landi Muharremi.
Ky zhvillim ka nxjerr në pah aferat e mëdha të pronave, aty ku dyshohet se krimi është mpleksur me politikën e njerëz të ligjit. /tesheshi.com/
