Kryeministri Rama paralajmëroi aplikimin e diferencimit zonal sa i përket porcioneve të lirisë, duke gjykuar se atje ku nuk ka shfaqje vatrash infeksioni, hapja mund të jetë dhe më e madhe. Kjo, duke nisur nga java tjetër.
“Përshembull, në Gjirokastër apo Dibër ku risku është shumë i ulët mund të kemi më shumë lehtësim masash, por në Krujë asnjë lehtësim, apo në Tiranë dhe Durrës një lehtësim të moderuar.
Këto mund të variojnë në varësi të dinamikës së luftës dhe sjelljes së qytetarëve.
Kjo qasje do të lehtësojnë shumë në zona të ndryshme lëvizjen me këmbë apo me makinë. Brenda disa bashkive mund të lehtësojmë shumë lëvizjen.
Përshembull, për njerëzit e fshatit për të shkuar në qytet, apo një familje që të rrijë e gjithë brenda. Edhe fashat orare nuk kanë pse të jenë njëlloj si në zonat me risk të ulët dhe te ato me risk të lartë.
Javën e ardhme në bazë së hartës së epidemisë do të pilotojmë në disa zona me risk të ulët një lehtësim të masave”, tha Rama.
Rama u mbrojt duke thënë se masat e ndërmarra janë si kudo në botë.
Mesazhi i plotë:
https://www.facebook.com/edirama.al/videos/244138400373415/?t=1
